March Products
Always Fresh, Always Tasty
Discover Your Color 4.0
今次好榮幸同Goof: selects聯乘，並再一次喺K11 Artmall再見大家！為慶祝K11 Artmall 期間限定店開幕，今次會推出大受歡迎嘅Discover Your Color 系列4.0版本，味道配搭以及產品造型絕對能帶比大家煥然一新嘅感覺！
春。茶祭
納入初春，採用全新茶系製作一系列產品，一套六款口味
紅
伯爵茶配蘋果係其中我哋一種signature產品，今次除咗呢兩個元素亦會再加添佛手柑蓉！另外如果大家有留意Twinings 茶包會寫 ‘scented with a citrus bergamot flavour’, 但我哋認為比較淡所以今次加添佛手柑蓉更加帶出伯爵茶佛手柑嘅組合，配上蘋果香甜及佛手柑香微酸感，再加上擁有藝術造型，絕對不能錯過！
橙
柚子紅茶配上柚子忌廉及甜橙，叫柚子控怎能抗拒？採用法國朱古力名牌Valrhona 柚子朱古力製作，第一口先嚐到柚子紅茶吉士醬嘅柚子味，回甘有微微紅茶質感嘅味道，口感層次豐富。而今次除咗Discover Your Color 外，更加推出全新4” 花型 及5.5” 供應，性價比極高！
黃
檸檬撻大家相信唔會陌生，但係有冇試過檸檬紅茶撻呢？感覺有點檸檬茶嘅味道但係會更加香檸檬味，全因採用新鮮檸檬皮及檸檬汁製作！配上輕身意大利蛋白霜及食用花做裝飾，簡簡單單但絕對吸引！
綠
採用澳洲青提，配上馬達加斯加雲呢拿吉士醬，再以洋甘菊茶啫喱作點綴及增添味道。洋甘菊茶有減壓作用，甜品亦都係！工作辛苦？食一件去減壓啦！
藍
選用日本焙茶配上Valrhona Manjari 64 朱古力及意大利榛子粒製作。焙茶味道濃厚，配上帶有微酸性嘅朱古力，整體深厚感覺比較濃烈，令人一試難忘。再加上榛子碎增加香脆感，朱古力控不能錯過！
紫
選用日本小山園綠茶粉製作吉士醬，配上日本紫薯及熱情果蓉。除咗顏色鮮艷奪目外，味道更帶來衝擊！熱情果酸度中和紫薯及綠茶嘅厚質感，誰說紫薯產品刻板無味？